Mizoram hmundang rualin vawiin khan Faina Hapta kharna chu chawhma dar 10 khan Block BNRGSK Building Khawzawlah neih a ni.

He hun hi Khawzawl SDO Civil aiawhin Pu Lalbiakthuama, U.D. in a kaihruai a, he hunah hian Faina Hapta neih chhunga hmalakna hrang hrangte ngaihthlak anih hnuah lawmman semna neih zui nghal a ni a, lawmman hi intihsiakna hrang hrangah hian pakhatna atanga pathumna thleng tan siamsak a ni.

Faina Hapta hman chhunga intihsiakna hrang hrang buatsaihah hian veng faiah Zaingen veng pakhatna niin, Sawrkar Pisa faiah KVK Khawzawl Office an ni a, School faiah Khawzawl Higher Secondary School chu pakhatna an ni a, YMA Branch hrang hrangin Faina Hapta puala Video Clip, Minute 2 a rei insiamsiakna neihah Khawzawl Electric Br. YMA chu pakhatna an ni bawk.

 Vawiina Faina Hapta kharnaah hian Khawzawl khawpui chhunga Sawrkar Department hrang hrang aiawhte, Village Council Member te bakah NGO hruaitute leh Zirna in aiawhte an tel a ni.