Faina Hapta 2011 hawnna inkhawm chu vawiin khan Synod Conference Centre-ah neih a ni a. Hawnna inkhawm hi Joint Director UD&PA Department Pu Lalhmuliana’n kaihruaiin , Aizawl Municipal Council (AMC) Chairman Pu C.T. Zakhuma chu khuallian a ni.

Pu C T Zakhuma chuan faina hian taimakna leh hriselna a ken tel tlat avangin mitinin kan ngaih pawimawh a tul thu a sawi a. Aizawl khawpui chhung a Public Private Partnership (PPP) Mode a bawlhlawh sawngbawl leh paih hna Sorkar-in a kalpui avangin Aizawl khawpui chu Hmarchhak bial a khawpui fai ber te zing ami anih thu a sawi.

He inkhawm ah hian UD & PA Department chuan Aizawl khawpui chhunga bawlhhawlh buaipui hna (Solid Waste Management) a lo thawh thin tawh chu Aizawl Municipal Council kutah an hlan a, Inhlanna lehkha hi Director UD &PA aiawh chuan AMC CEO Pu Nghaklianmawia hnenah a hlan a ni.

Vawiin hapta hawnna ah hian AMC Councillors te leh Aizawl khawpui chhunga Local Council hruiatute an tel kim hle a ni.