Vawiin chawhma dar 11:00 khan DC’s Conference Room Saiha-ah “Faina Hapta 2013 “ Ni 2-8 October, 2013 inkar a hman dan tur chungchang ngaihtuahin meeting neih a ni.

He meeting hi District Bawrhsap Pu Alok Swarup, IAS chuan a kaihruaia, kum danga lo hman thin tawh angin he Faina Hapta hi ni 2.10.2013 zing dar 7:00 a.m. -ah Vety Kawn-ah hawnna inkhawn neih a ni anga, ni 8.10.2013-ah kharna hun Saiha Bazar Traffic Point-ah neih a ni dawn a ni. He Faina Hapta hman chhung hian School, Veng leh Office fai thlanchhuah te hnenah lawmman tangkafai leh Certificate hlan a ni ang a, School fai lawmman ah 1-na Rs. 4000/-, 2-na Rs. 2000/- leh 3-na Rs. 1000/-; Veng fai lawmman ah 1-na Rs. 5000/-, 2-na Rs. 3000/- leh 3-na Rs. 2000/-; Office Fai lawmman ah 1-na Rs. 4000/-, 2-na Rs. 2000/- leh 3-na Rs. 1000/- te a ni ang. Faina Hapta hman a nih chhung hian faina lam hawia chanchinbu-a thuziak thaber hnenah lawmman tangkafai leh Certificate hlan a ni bawk dawn a ni. Meeting chuan Saiha khawpui chhung veng tin te faina lam hawi inzirtirna veng tin Village Council ten an veng chhungah mipuite hriattur a puanzar hna thawk theuh turin leh vengchhung thenfai hnatlang he Hapta chhung ngei hian ko tura ngen nise tiin an rel.

He Faina Hapta hman dan tur chungchang ngaihtuahna ah hian department hrang hrang hotute leh tlawmngaipawl hruaitute an tel a ni.