Agriculture Department, Serchhip chuan vawiin khan Serchhip Agriculture  Complex-a FIAC Hall-ah NLUP 3rd Phase 1st Installment leh 4th  Phase 1st Installment beneficiary zawng zawng hnena sem zawhna hun an hmang.

NLUP beneficiary te hi APR leh intiamkamna te ziah tir an nih hnu ah 1st Installment atana an pawisa dawn tur  Rs. 10,000/- theuh chu an bank account ah dah sak an ni a, bank account la hawng hman lo te chu a pawisa faiin pek nghal vek an ni a, hemi hnu hian an pawisa dawn atanga hma an lak dan tur leh hna an thawh dan tur te zirtir an nih bakah thil tul dangte inhrilhhriatna hun hman a ni bawk. Agriculture Department, Serchhip hnuaiah hian NLUP 3rd Phase leh 4th Phase beneficiaries 779 (3rd Phase-548, 4th Phase-231) an awm a, 3rd leh 4th Phase 1st Installment atan hian Rs. 77,90,000/- sem ral a ni.

Agriculture Department, Serchhip hnuaiah hian NLUP 3rd Phase leh 4th Phase beneficiaries neih dan chu hetiang hi a ni.

Vawiin NLUP 3rd Phase leh 4th Phase 1st Installment semna inkhawm hi Pu James Lalsiamliana, DAO, Serchhip chuan kaihruaiin NLUP beneficiaries te fuihna thu a sawi a, Pu V.L. Hmangaihchhunga, SDAO in beneficiaries ten an pawisa dawn atanga hma an lak dan tur te sawifiahin zirtirna a pe a, Pi Mary Lallawmkimi, AEO hnen atangin Technical Report ngaihthlak a ni bawk.