Tukin zing dar 7 : 00 khan CHANEM Building tualah Faina hapta hawnna Inkhawm tawi neih a ni a, he hun hi Pu Lalenglawma Pakhuangte DUDO chuan a kaihruai a. Champhai District Bawrhsap Pu Lalthangpuia Sailo IAS chu Khuallian niin Faina hapta a hawng.

Khuallian chuan Faina hapta hi a hapta bik kan hawng a ni maia, faina bik erawh chu a hapta mai nilovin kan nunphung zawng zawng ah vawng ila, Singapore pawh khawvel ram fai an nih chhan chu mitinin an bawkhhlawhte khawlaiah paih lova a bawmah an paih thin vang a ni a, khawlai ti faia hnatlan pawh a ngai velo a ni atia, kan nun hrim hrimah hian nunphung fai kan mamawh a, Kumin March thla a Sri Lanka a tlawh thusawiin Khuallian chuan an khua leh kawngte a fai thu leh faina kawngah chuan kan India ram pawhin tluk lohna kan neih thu asawi bawka, mitin ten tan kan lak leh zual chuan champhai pawh hian nasa taka tun aia kan la fai ngei a beisei thu a sawi.

Scout & Guide School hrang hrang atang lokal khawm, khawlai dung tifai tura hnatlang turte chu Khuallian hian a vailiam bawk a ni. He hun hmang tur hian champhai Office Deptt. hrang hrang Head te bakah tlawmngai pawl hrang hrangte an kal tha hle.