Tukin chawhma khan Siaha Bazar Traffic Point-ah Faina Hapta,2018 hawnna inkhawm hman a ni a.  Dr.Saithangpuia Sailo, SDC in hawnna inkhawm hi kaihruaiin, Pu MH.Tiabi, EM(LAD), MADC chuan Khuallian niin he  Faina Hapta,2018 hi a hawng ta a ni.

Pu MH.Tiabi chuan thu sawiin,  Kan Siaha District chhung Khua, veng leh kawtthler  te a lo fai zawk  thei nan Mizoram Sawrkar leh MADC pawhin sum leh tha sengin hna a thawk ve nasa hle a. Tlawmngai Pawl hrang hrang, VC, chhungtin leh mimal ang pawhin  kan theihna zawn theuh va chuan kan khua, veng leh in leh lo a lo fai zawk thei nan  hian kan bei ve nasa hle a ni. Mahse Faina leh thianghlimna kawngah erawh hmabak kan la ngah hle a ni, tih hretu theuh in ni. Faina tluantling leh tlo nei tur chuan mimal tin ten kan chhungril nunah   Faina duhna leh ngaihnatna hi kan tuhnghet hmasak phawt a ngai a.  Mahni hma chauh sial lova, Kristian nunze dik taka  Fai dan te pawh kan inzirtir a hun tawh a ni, a ti bawk.

He Faina Hapta inkhawm tawi hmanzawhah hian Adventist English Acedamy School zirlai naupang ten Bazar Area chhunga kawngpui leh kawtthler te thenfai hna an thawk chhunzawm nghal a ni.