Vawiin chawhnu dar 1:00 khan LAD Conference Hall, Mamit-ah Faina Hapta kharna hun hman a ni.

He hapta kharna hunah hi Pu A. Biaklawma, Addl. DC kaihruaiah khuallian Pu H. Sangawia, SP Mamit chuan thu sawiin ram changkang apiang an fai a, ram changkanlo apiang a bawlhhlawh thin a ni tiin kan changkan leh changkan loh tehna ber chu kan fai leh fai loh ah a ni tawh a ni tiin kalkhawmte kan rilru ah faina hi riak reng turin a sawm a ni.

He hunah hian Pu H. Rualzakhuma, Sanitation Officer, Dr. Lalrinmawia leh Er. Lalsiamliana ten faina chungchang thuchah an sawi bawk. 

He hunah hian khuallian chuan Mamit khaw chhunga fai lawmmawn chi hrang hrang semna a nei nghal a. Veng fai berah 1) Chhimveng Branch YMA, 2) Venghlun Branch YMA, 3) Luangpawl Branch YMA te niin Zirna In fai berah 1) High School ching chunglamah : 1) St. Francis of Assisi High School, 2) Govt. High School, 3) Govt. Higher Secondary School te an ni. Middle School chin hnuai lamah : 1) Mamit Middle School, 2) Govt. Middle School I, 3) Govt. P/S-VII, 3) St. Francis of Assisi P/S te niin. Office leh a compound fai ber ah lawmman pakhatna latu pahnih awmin 1)DIET, 1) Police Station (Thana) niin, 2) DPC (SSA), 3) SDEO te an ni. Restaurant Teastall/Canteen fai ber ah lawmman pakhatna dawngtu chu 1) Mimi Restaurant, 2) F&F Restaurant, 3) Bawih Bawih Restaurant a ni. Chanchinbu faina lam hawi thuziak tha ber/ tam ber : 1) Lentupui, 2) Mamit Times, 3) Mamit Post te an ni.

Heng bakah hian Mimal In leh compound fai berah lawmman pakhatna atanga pathumna thleng siam niin hengte hian Veng chhung fai ber lawmman pakhatna an la a ni. Mamit Hmarveng huam chhungah Thantluanga niin Mamit Venghlun huam chhungah P.C. Lalnunzira, Mamit Bazar veng huamchhungah Lalramliana Ngent niin Mamit Chhim veng huam chhungah Pi Lalhmangaihi, Hmunsam niin Mamit Lungsir huam chhungah Lalhmingmawia niin Mamit Luangpawl huam chhungah V.L. Ropianga ten lawmman pakhatna an dawn a ni.