Vawiin khan Faina Hapta 1-7 october, 2016 chhunga hman chu LAD Conference Hall, Mamit ah hman a ni.

Faina Hapta kharna puala inkhawm hi Pi Lalbiaksangi, District Bawrhsap chuan kaihruai a, Pi Hmingthanmawii CMO Mamit chuan faina leh hriselna hi an inzawm tlat a, hmasawnna a ni a ti.

Faina Hapta pual hian Mamit khawpui chhunga school fai leh vengfai lawmman siam a ni a, vengfaiah hian Chhimveng chu pakhatna niin Venghlun chu pahnihna an ni, Pathumna hi Hmarveng ten an la a ni. School faiah hian category hnih (primary leh middle) leh (High School leh Higher Secondary ) ah then a ni a, category khatna ah hian pakhatna chu Govt MS III an ni a, pahnihna ah hian Govt P/S IV leh Govt M/S II te an ni. Lawmman pathumna hi Govt MS- I leh Govt P/S VII te chuan an la a ni. Category hnihna ah hian New Diamond School chu pakhatna an ni a, 2-na hi St Francis of Assisi niin pathumna hi Govt Higher Secondary school te an ni.

Lawmman hian Chawimawina thuziak leh Pawisa fai a keng tel a ni. Vengfai ah hian pakhatna hian Rs 7000/- an dawnga, pahnihna in 5000 leh pathumna in Rs 3000/- an dawng a ni. School bikah hian pakhatna Rs 5000/- leh pahnihna Rs 3000/- a ni a, Lawmnan pathumna hian Rs 2000/- a keng tel a ni.

Faina Hapta kharna pual inkhawm ah hian Pu K. Tlangruala SO/DLAO, Mamit chuan report a pe a, Pu Lalropuia Hmar EE, PHED, Pi Lalnunthari, DEO, leh Pi Sapliannguri President MHIP te atangin thusawi ngaihthlak a ni bawk.