No.2443/2021-2022 

Aizawl dated 2nd October 2021: Tukin zing khan Venglai YMA Park, Kolasibah ‘Faina – Kan In leh a Chheh vel Atangin’ tih thupui hmang a ‘Faina Hapta 2021’ chu Dr.H.Lalthlangliana, Deputy Commissioner chuan a hawng a. ‘Azadi Ka Amrit Mahotsav’ pual a Kolasib khaw chhunga faina kawnga inelna hrang hrang kalpuina a titha thlan chhuahte hnenah lawmman hlanna leh UD&PA department, Kolasib hnuai a khaw chhung thenfaina kawnga thawktute zawng zawng chawimawina hun neih nghal a ni.

Khuallian Dr.H.Lalthlangliana chuan ‘Faina Hapta’ kalpui chhung atan ringawt a fai tum lovin, engtik lai pawh a faina chu ngaih pawimawh tur a nih thu a sawi a. Fai tur a hnatlang koh kher ngai lovin mahni in leh a vel theuh enkawl fai a nih chuan veng pum faina a thlen mai thin thu a sawi a ni. Bawlhhlawh zinga sawngbawl hautak ber chu plastic a nih thu leh ram leilung a tih chhiat nasat theih dan tarlangin Dr.H.Lalthlangliana chuan plastic hman tlem a tul zia leh hman nawn theih chi chauh hmang tur a inzirtir a pawimawh thu a sawi bawk a ni.

‘Faina Hapta 2021’ kalpui dan tur leh faina kawnga UD&PA Department hmalak dan sawi zauna hun Pu Gaston Vanlalhriatpuia, District Urban Development Officer, Kolasib chuan hmangin Mizoramah ‘Faina Hapta’ vawi 45 hmanna a nih thu a sawi a Swachh Bharat Mission (SBM) kum 7 tlinna a nih thu a sawi bawk a ni. Solid Waste Management Centre, Kolasib tangkai tak a hman a nih theih nan intin atangin bawlhhlawh thliar hran ngai pawimawh turin kalkhawmte a chah a, Faina Thutiam lakna hun a hmang bawk a ni.

Faina Hapta 2021 hawnna hun hi Pu ST Lalhmingmawia, DLAO, Kolasibin kaihruaiin khawlai phiah faina hun neih nghal a ni. 

Tukin a lawmman sem chhuahte;

Best Performing Male Sanitation Worker – Laltlankima, Hmar Veng

Best Performing Female Sanitation Worker – Zosangzuali, Tuithaveng

Waste to Art Exhibition lawmman latute:

1. Daisy Ramluahpuii, College Veng – 1st Prize

2. Laldinpuii, Vengthar – 2nd Prize

3. Remlengthangi, Diakkawn – 3rd Prize

Consolation Prize:

1. R. Lalmuanawmi, Thingdawl

2. Zothanmawii, Venglai