No.486/2020-2021

Nikum lama vaimim tam tak lo tichhe tawh tu Pangang 'Fall Army Worm' chu Dialdawk, Lengpui ah a awm leh tan nia hriat a ni a. Hemi chungchang hi ni 20.4.2020 (Monday) khan Agricultural Technology Management Agency (ATMA), Mamit District lama hnathawk te - Dr. Michael Lalramhluna Block Technology Manager, Laldingliana Assistant Technology Manager leh R. Lalruatkimi Assistant Technology Manager ten State Nodal Officer ATMA , Director of Agriculture (Research & Extension) ni bawk hmalakna in a hmunah an finfiah nghal a. Finfiah a nih rual hian Fall Army Worm darh zel tur ven nan - pangang thahna damdawi te leh pangang manna hmanrua 'Pheromone trap' te Dialdawk a vaimim chingtute hnenah hian an pe nghal bawk a. Heng hmanrua an pek te hman dan tur te leh FAW darh zel tur ven nan a tangkai te an zirtir nghal bawk a ni.