1654/2026-2027

Saitual, the 5th August, 2026: Family Pension chungchangah Saitual Treasury Officer Pu Joseph Lalzuitluanga chuan a hnuaia tarlan ang hian hriattirna a chhuah:

Mizoram sawrkar thu chhuah angin, Family Pension la mekte zingah document dik lo hmanga la an awm chuan, anmahni duh thu ngeia tihtawpna hun ni 01.07.2026 - 30.09.2026 thleng hawn a ni a. Titawp duh tan Family Pension kan lakna District Treasury Office, Saitual-ah in report turin leh Pension Payment Order (PPO) te hun tiam chhunga pe kir turin hriattir kan ni.

Hun tiam a ral hnu hian Task Force hmanga endik hna thawh a ni dawn a, dik lo taka la hmuh chhuah an awm chuan thubuai siamsak theih an ni ang. Document dik lo pe chhuaktu pawh dan ang taka an chunga hmalak a ni ang.

CCS (Pension) Rules, 1972 hnuaia Family Pension la thei lo te chu: 

1. Family Pension la mekin nupui/pasal a neih leh chuan Family Pension a la thei tawh lo.

2. Sawrkar hnathawk fa hrin ni lo emaw, dan ang taka fa lak ni lo, Birth Certificate lem siama Family Pension la te.

3. Sawrkar hnathawk ni reng si a, mahni nu emaw pa emaw fate emaw Family Pension la te. 

4. Pensioner ni reng si a, mahni nu emaw pa emaw fate emaw Family Pension la te.

5. Pasal nei reng chung si a pasal nei lo anga inziak, nu emaw pa emaw pasal sun takte emaw Family Pension la te.

6. Family Pension lak duh avanga mahni nu leh pa te thih ni emaw, pasal te thih ni/inthen ni emaw tidanglama Family Pension la te.7.  Thla khata pawisa lakluh zawng zawng belh khawm a, monthly minimum pension @8700 plus DR income nei pha, tun dinhmunah chuan Rs. 12702/- la lut tlingte.