Vawiin chawhnu dar 2 : 00 PM khan MADC Forest Hall, Siaha-ah Ran natna tlanglawn chungchanga ranvulhtute leh mithiamte inkawmhona “ Farmers Scientists Interaction on Common Livestock Diseases” tih Agriculture Technology Mangement Agency, Siaha District, Siaha te buatsaih chu hlawhtling taka hman a ni.

He programme hi Pu Lalsanglura Sailo, Project Director, ATMA & DAO Siaha District chuan a kaihruaia, kalkhawmte chawnglawmna thu a sawi hnu ah Dr Benjamin Lalduhawma, Deputy Project Director, ATMA chuan ATMA hnathawh dan tlangpui Siaha District chhunga Activities an neih dan hrang hrang te kalkhawmte hnenah report a pe a, Farmer Interest Groups leh Food Security Groups, ATMA in a din hote hnenah Pass Book, Seal leh Register te semna neih ani a, Dr P.B. Chhetri, DAH&VO, AH&Vety Department pawhin thu sawiin Eizawnna chi hrang hrang a awm thu leh hei hi kan nitin nuna kan mamawh em em ani, ati a, eng hna pawh thawk ila taimakna leh tumruhna a pawimawh ani a ti bawk.

He Ni hmanna-a khuallian Pu RT. Zachono, Chief Executive Member, MADC, Siaha chuan thu sawiin, Pathian in Evi leh Adama kha thilsiam zawng zawngte enkawl turin a dah a, an fate pahnih kha Department pawimawh tak tak enkawl turin a dah bawk a ni tiin AH &Vety Department pawh hi Department pawimawh tak a tellova khawsak theihloh ani ati a, kan Ranvulh Natna neia harsatna tawk te pawh mithiamte rawn nachang i hria ang u, ati bawk. Hmanlai a natna pianglo kha vawiinah chuan a piang hnem em em tawh ani tiin natna hrang hrang a infin chuan natna mak tak tak a chhuak thei a ni ati bawk. Ranvulh hi eizawn nana kan hman dawn chuan an hriselna kan ngaipawimawh tur a ni tiin kan ranvulh turte hi a chitha kan thlang thiam tur ani ati a, kalkhawmte chu an zirturah thahnem ngai tak leh tih takzet a zirturin a chah a, an ranvulh-ah te thahnem ngai tak leh hlawhtlin tum ngei turin a fuih bawk.

Dr Lalzaidami Solo, Scientist (Vety) KVK, Siaha chuan Power Point Presentation hmangin zirtirna a pe a, Dr Vanlalrawna, VO; Dr Zapaw Azyu, VO; Dr Beizakaw Vyhtu, VO; Dr Mesak Byhnadaosa Solo, BTM leh Dr Benjamin Lalduhawma, DPD te pawhin kalkhawmte zirtirna an pe a, he Training Programme ah hian Siaha khawpui chhunga Ranvulhtu thahnem tak an tel a, Pi Elizabeth B. Khaimeichho, Deputy Project Director, ATMA in lawmthu sawina neiin he training programme hi a ti tawp a ni.