Vawiin chawhma dar 11:00AM khan kumin 2016 a Green Mizoram Day hmandan tur relin Saiha District Green Mizoram Committee ten meeting an neih a, Meeting hi Pu N.Chakhai, Addl. D.C, Saiha District in a kaihruai a ni.

Vawiin meeting chuan kumin Green Mizoram Day-ah chuan Tipa leh Siatlai khua inkarah Roadside planting beihpui thlak ni se, Thing tiak phuntur hi MADC Forestin ngaituah se, tih te a rel a. Department thing tiak phunna tur ram ruak nei chuan an Department ramah an phun anga, a neih loh zawng chuan Thing tiak 10 theuh tal Rs.1500/- in an sponsore ang. Chung pawisa thawhkhawm hmang chuan Roadside planting neihna hmun tur hnaia khuaa Tlawmngai pawl emaw kohhran Thalai pawl emaw ruai nan hman ni se. Chu chuan a khaw hnaia awm thalaite rilru-ah neihtu nihna rilru a puttirin, a venhimnha kawngah pawh kawngro su ber turin meeting chuan a ngai a. Green Mizoram Day-ah thing tiak phun hi MADC Forest Department staff ten puibawm bawk se, tih te rel a ni.