Vawiin chawhnu khan AH& Vety Department buatsaih Farmers’ Training leh Aizawl district huam chhunga NEDP-NLUP Convergence hnuaia beneficiary-te hnenah tanpuina 1^st installment semna hun Veterinary Polyclinic Conference Hall-ah neih a ni a. Hemi rual hian PRRS natna vanga vawk thi ralna pawisa fai sem nghal a ni a. AH & Vety Minister Pu C.Ngunlianchunga chu Khuallian a ni. 

Khuallian Pu C.Ngunlianchunga chuan kuthnathawktute tan training tha tak buatsaih a ni chu lawmawm a ti a. NLUP hamthatna dawngtute hnenah chuan thahnemngai taka thawh hi an mawhphurhna a ni tiin tanpuina dawnte chu dinchhuah nan a hmang turin a chah a. NLUP chuan khawtlanga mi harsa leh hnuaihnung zawkte chawikan hi a tum ber a ni, a ti a. Thawkrim lova hlawhtlin tumna hi hmasawnna daltu lian tak a nih thu sawiin taihmakna leh rinawmna chuan malsawmna a thlen thin thu a sawi a. Minister chuan PRRS natna vanga vawk thahnem tak an thi chu pawi a tih thu a sawi a. He vawk hri avanga ran vulhtute channa chhawk zangkhai turin ralna sum sem a nih thu a tarlang bawk. 

Beneficiary mi 116 hnenah tanpuina sem a ni a, tanpuina pek dan chu a hnuaia tarlan ang hi a ni:

Programme hi AH &Vety Director Dr. Saingura Sailo chuan kaihruaiin kalkhawmte lawmna thu a sawi a. AH & Vety Minister Pu C.Ngunlianchunga chuan tanpuina pawisa beneficiary-te hnenah a sem a. AH &Vety Addl Director Pu K. Rokhawla chuan lawmthu sawina in hun a khar a ni. Vawiin programme-ah hian vawk puitling tawh thi chu Rs 1000/- a ral niin vawk note thi Rs 500/- a ral a ni.