Nithum chhung awh tur “Farmers Training” District Sericulture Officer, Chhimtuipui District, Saiha in a buatsaih chu vawiin chawhma dar 10 :30 khan I&PRO Conference Hall Saiha-ah neih a ni, he Farmers Training hi Pu B. Lalrinliana, District Sericulture Officer, Chhimtuipui District, Saiha chuan a kaihruai a, Pu C.Ngunhluna’n hunserh hmangin Pu Thangchem Zathang, Additional Deputy Commissioner, Saiha chu khuallian a ni.

He training hawnna inkhawm ah hian khuallian Pu Thangchem Zathang chuan thu sawiin Sericulture Department hmalakna chi hrang hrangte a sawi lang a, chhungkaw tin ten pheikhai rual taka kan thawh tlan theih leh eizawnna tha tak anih thu a sawi a, N.L.U.P. chungchang ah mipuiten Trade thlan dan kan thiam tawk loh avangin tha zawk a kalpui anih theih nan hmalak mek a ni, a ti a, Sericulture Department ah hian tumruhna, taimakna leh rinawmna nen a hna kan thawh phawt chuan hlawhtlinna a awm a ni, a ti bawk. Sericulture Department hnuaia kut hnathawktute hi kan District tan darthlalang in ni tiin hlawhtling ngei tura tan la theuh turin kalkhawmte chu a chah bawk a ni. Hnathawktute chu an mahni tan chauh a thawk ni lovin District chhung mipui zawng zawngte tan a hnathawk an ni tih hre reng turin a chah bawk a ni. He Training Programme hi hlawhtling taka hman a nih theih nan kalkhawmte chu duhsakna a hian bawk. He Training ah hian mithiam thlanchhuah ten hnathawk tu ten hlawhtling taka hna an thawh theih nan thupui then hrang hrang hmangin zitirna an pe a, District chhung khaw hrang hrang atangin mi 88 training ah hian an tel a ni.