Tukin zing dar 7 khan Kolasib Diakkawn square-ah Fire Prevention Week hawn a ni a, D.C. Pu R.Liankima’n inkhawm buatsaihah hei hi a hawng a ni.
Thu sawiin Pu R.Liankima chuan, kangmei laka inven hi kan tih tur makmawh a nih avangin nasa taka mipuite kan tan tlan a ngai a. Tul lova ram tihkan in kan ram a tichhe nasa hle thin a ni, tiin hetiang tite chungah sawrkar a khauh hle dawn a ni, a ti a. Nikum lamah Kolasib District chu ram kang venhim kawngah lawmman 2-na hial a la a, kuminah pawh a hma aia titha lehzual turin i tang tlang ang u, a ti a ni.
Fire Prevention Week hawnna inkhawm hi Pu C.Chawngthanmawia, President YMA Sub- Headquarters in a kaihruai a. Pu Lalthianghlima, President, MUP Sub- Headquarters in thu a sawi bawk.
Kolasib District chhung khaw hrang hrangah week chhung hian kang mei laka fimkhur inzirtirna campaign neiin District Level Fire Prevention committee member te chu an feh chhuak dawn a. Sub-division pahnih Kawnpui leh Vairengte bakah BDO thuthmunah tepawh week hi hman a ni ang. Meilam sial hna pawh state sawrkar duhdana uluk taka tih a ni dawn a, NREGS inhlawhna neiha hei hi thawh a ni dawn a. Khaw tin V.C. leh YMA te pawh theihtawp chhuah tura beisei an niin veng tinah FLS hmanga a tam thei ang kang mei laka fimkhur inzirtirna thu pawh auchhuahpui a ni dawn a ni.
Kumin hian Febuary thla chhung ngeia lo hal zo vek turin loneitute chu hriattir an ni bawk a ni.
Fire Prevention Week hawnna inkhawm hi Pu C.Chawngthanmawia, President YMA Sub- Headquarters in a kaihruai a. Pu Lalthianghlima, President, MUP Sub- Headquarters in thu a sawi bawk.
Kolasib District chhung khaw hrang hrangah week chhung hian kang mei laka fimkhur inzirtirna campaign neiin District Level Fire Prevention committee member te chu an feh chhuak dawn a. Sub-division pahnih Kawnpui leh Vairengte bakah BDO thuthmunah tepawh week hi hman a ni ang. Meilam sial hna pawh state sawrkar duhdana uluk taka tih a ni dawn a, NREGS inhlawhna neiha hei hi thawh a ni dawn a. Khaw tin V.C. leh YMA te pawh theihtawp chhuah tura beisei an niin veng tinah FLS hmanga a tam thei ang kang mei laka fimkhur inzirtirna thu pawh auchhuahpui a ni dawn a ni.
Kumin hian Febuary thla chhung ngeia lo hal zo vek turin loneitute chu hriattir an ni bawk a ni.
