Nimin khan Pu Lal Thanzara, Parliamentary Secretary to Chief Minister chuan Kawnpui Hmarveng YMA Hall-ah Kawnpui Tuitam Zau Farmers’ Meet a hmanpui a. Thu sawiin, chawlhkhar tharah Planning Department chuan NLUP Scheme hnuaia family Survey a thawk tan dawn a ni, a ti.
Congress sawrkar in kut hnawthawktute a ngai pawimawh ber a, mi hausa leh rethei dinhmun inthlauhna tihreh a nih loh chuan mizo tlemte in unauna hi a chhe vek thei a, chuvangin NLUP hmangin Zoram nuam tak a siam theih a ni, a ti a. Mi thenkhat ten muangchang tiin min sawi mahse sawrkar chuan hlawhchham lova ngelnghet taka kalpui a tum avangin thil a ti nghal rum rum dawn lo a ti a. Chhungkaw tin hnenah pawisa fai cheng nuaikhat pek tum a ni lova, hnathawk tha chuan nuaikhat man aia tam pawh sawrkar atangin a dawng thei ang a ti. Chawlhkar thar atangin Planning Department chuan survey neiin tute nge hna bul tan hmasa anga, tute chhungkua nge hmahruai thei ang tih an zawng tan dawn tawh a, khaw hrang hrangah chhungkaw tin uluk taka enfiah tur a ni tiin mipuite pawh rinawm turin a chah a. Model Code of Conduct hlih vek hnuah chuan NLUP ah thil thar kan hre chho tan tawh ang a ti bawk.
Mi thenkhat beisei anga development a kal chak loh chhan sawifiahin Central sawrkar thar piang tur avangin budget pangngai siam thei a ni lova, vote on account chauha sum ruahman chu hnathawh tak tak nan a tlem deuh a ni, a ti a.
Tunlai buhfai harsatna chu Mizoram chhung atanga chinfel theih loh State dang helho in buhfai phur Rel (train) an lo tihbuai thin vang a ni a, mahse tun dinhmunah mipuite mamawh khawp englai pawhin a awm a ni, Pu Lal Thanzara chuan a ti a ni.
Tuitam Zau ah hian Horticulture Department in Mizorama enchhin an tum Israel Serthlum kung 6700 chu mi 56 hnenah kumin atangin a phun tir dawn a. He serthlum tiak hi kung khat Rs. 100 man niin Department chuan a thlawnin a sem anga, a enkawlna hmanrua leh senso pawh a tum sak vek ang. Israel serthlum hi tui tam tak hmanga enkawl ngai a nih avangin Pi Zosiamliani, DHO Kolasib in tui pek dan tur ngaihtuahpui an ngaih thu a sawi chu Pu Lal Thanzara, Parliamentary Secretary chuan Agriculture Department in drip irrigation hmangin tui an peksak thei dawn a ni a ti. Hei bakah hian Agriculture Deptt. hnuaiah kum nga chhunga ram 660 ha. chhunga kut hnathawktute hamthatna turin NWDPRA project hmangin hna thawh mek a ni a, he project ah hian cheng nuai 74.24 senral tura ruahman a ni. He project hnuaiah hian chhungkaw 120 te chuan an ram an enkawl mek a ni.
Mi thenkhat beisei anga development a kal chak loh chhan sawifiahin Central sawrkar thar piang tur avangin budget pangngai siam thei a ni lova, vote on account chauha sum ruahman chu hnathawh tak tak nan a tlem deuh a ni, a ti a.
Tunlai buhfai harsatna chu Mizoram chhung atanga chinfel theih loh State dang helho in buhfai phur Rel (train) an lo tihbuai thin vang a ni a, mahse tun dinhmunah mipuite mamawh khawp englai pawhin a awm a ni, Pu Lal Thanzara chuan a ti a ni.
Tuitam Zau ah hian Horticulture Department in Mizorama enchhin an tum Israel Serthlum kung 6700 chu mi 56 hnenah kumin atangin a phun tir dawn a. He serthlum tiak hi kung khat Rs. 100 man niin Department chuan a thlawnin a sem anga, a enkawlna hmanrua leh senso pawh a tum sak vek ang. Israel serthlum hi tui tam tak hmanga enkawl ngai a nih avangin Pi Zosiamliani, DHO Kolasib in tui pek dan tur ngaihtuahpui an ngaih thu a sawi chu Pu Lal Thanzara, Parliamentary Secretary chuan Agriculture Department in drip irrigation hmangin tui an peksak thei dawn a ni a ti. Hei bakah hian Agriculture Deptt. hnuaiah kum nga chhunga ram 660 ha. chhunga kut hnathawktute hamthatna turin NWDPRA project hmangin hna thawh mek a ni a, he project ah hian cheng nuai 74.24 senral tura ruahman a ni. He project hnuaiah hian chhungkaw 120 te chuan an ram an enkawl mek a ni.
