Mizoram sorkar ruahman angin Green Mizoram Day chu June ni 16 (Nilaini) 2010 hian hman a ni dawn a. He ni puala Mizoram Chief Minister Pu Lal Thanhawl thuchah chu a hnuaia mi ang hi a ni.
Kum 2010 Green Mizoram Day-ah hian Zoram mipuite chibai ka buk a che u.
Mizoram sorkar chuan ramngaw, thing leh mau, thilnung tinrengte humhalh - a tawi zawngin kan (ENVIRONMENT) boruak, sik leh sa chhe zel siam tha turin kawng hrang hrangin tan a la. Chumi zinga pakhat chu kan ram pum huapa thingphun beihpui Green Mizoram Programme hi a ni. He programme-ah hian sorkar hnuaia Department te, tlawmngai pawl hrang hrang te, kohhranho te, zirna In te leh mipui vantlangin kumtinin thingphun hna kan thawkho thin a, kum 11 kalta chhung khan kan State pumah thingtiak nuai sawmparuk singnga zariat sawmnga panga (16,50,855) lai kan phun tawh a ni. Hei hi sorkar hriatpui chin a ni.
Heti zah hi thingphun tawh mah ila, kumtina ram kan tihkan avangte, mi awmtha duhlo kuthlei leh kan ranvulhten an tihchhiat vang te leh, keini a phuntute ngei pawhin kan enkawl zui that loh avangtein kan thingphun tam zawk hi an thi thin a ni.
Green Mizoram Programme hi tun aia a lo hlawhtlin zawkna turin mitinin mawhphurhna kan nei a. Kan thingphun theuhte hi uluk lehzuala enkawl zui a tul a, Department mal enkawl zui tura dah ngawt lovin keimahni a phuntuten vil zui theuh chungin hmun awllai apiangah a phun belh hna kan thawh a ngai a ni.
India ram Danpui Article 51-ah chuan heti hian ziah a ni - 'tupawh India khua leh tui tawh phawt chuan khuanu kutchhuak ramngaw te, lui te, dil te leh nungcha humhalh hi a tih ngei tur a ni' tiin. Hetiang bawk hian Article 48-ah chuan 'State tinte hian kan chenna leh a chhehvel leilung, ramngaw, tui leh boruak siam that leh ramngaw leh nungchate venhim a tum ngei tur a ni' tih kan hmu bawk. Tin, Bible pawhin thil siam zawng zawng hnena chanchintha hril turin min ti a ni. Chuvangin, mimal leh sorkar ang hian tihtur pawimawh tak min phut a ni.
Sorkar chuan hmasawnna a thawh reng rengin environment thlir chungin policy leh programme a duang thin a. Eizawnna lamah pawh tlangram Lo neih kan la bansan mai theih loh hian environment-a tihchhiat chakzia hriain sorkar chuan New Land Use Policy tha zawkin kan kalpui chho mek a ni. Hei hi Environment siam that nan leh eizawnna ngelnghet kan neih theih nan TAIMAKNA, RINAWMNA leh TUMRUHNA nen he programme hi tihhlawhtlin i tum ang u.
Mizoramah hian ramngaw leh hnim hringin a khuh ram chu State zau zawng za-a sawmkua pakhat (91 %) lai anih rualin, ngaw chhah tha tak erawh chu za-a point paruk pali (.64 %) chauh a ni thung. Ramsa humhalhna hmun bik tih lovah chuan mihringte tlawhpawh phak loh, kham leh hmun pilril-ah chauh ramngaw tha tlemte kan nei tawh niin a lang.
Chutih laiin mihring kan pung zel a, kan nitin mamawhte pawh alo pung ve zel bawk si a, kan damkhawchhuahna tura chakkhai tinreng min petu, kan ramngaw leh a hausaknate chu nasa taka tihchereu an lo ni ta a. Heng zawng zawng din thar leh tur hian renchem leh daihzai taka kan ramngaw hausakna hman te, hmun awl apianga Nung ngei tura thingphun leh enkawl zui leh ven hnathawh hi kan zavaia kan tuchhuante laka kan bat tlat a ni.
Tin, kan ram tihmelhem a, Zofate hmai timawktu RAMKANG ven hna hi kan zavaia thawh a ngai ta. Kumin hian chhan hrang hrang vangin kan ramah ramkang leh kangmei dang a chhuak nasa em em a, hliam tuar leh nunna hial chan kan awmte kha a pawiin, a lungchhiatthlak takzet a ni. Lo/ram hal chungchangah DAN kan nei a, hei hi anihna anga kan kenkawh a ngai. Ramkang thelh hi mitinin kan mawhphurhna a ni tih hre thar leh ang u.
Tunlai khawvelin a buaipui em em Global Warming leh Climate Change te pawh Mizoramin a takin kan tawng ve mek a. Khua a lum tulh tulh a, ruahtui a mumal lo chho zel a, thalah kan tuihnar tam tak pawh lo kangchatin harsatna chi hrang hrang kan hmachhawn tan mek zel a ni.
Kumin Green Mizoram Day 2010 kan hman atang hian rilru thar puin, theihtawp chhuah theuh ila, thingphun hnuah uluk taka enkawl zui zel turin Zoram mipuite, a bik takin YMA, MUP, MHIP te, Kohhran hrang hrang leh khawtlang hruaitu Village Council te leh sikul naupang leh zirtirtu zawng zawng te ka sawm a che u.
Ka lawm e.
Mizoram sorkar chuan ramngaw, thing leh mau, thilnung tinrengte humhalh - a tawi zawngin kan (ENVIRONMENT) boruak, sik leh sa chhe zel siam tha turin kawng hrang hrangin tan a la. Chumi zinga pakhat chu kan ram pum huapa thingphun beihpui Green Mizoram Programme hi a ni. He programme-ah hian sorkar hnuaia Department te, tlawmngai pawl hrang hrang te, kohhranho te, zirna In te leh mipui vantlangin kumtinin thingphun hna kan thawkho thin a, kum 11 kalta chhung khan kan State pumah thingtiak nuai sawmparuk singnga zariat sawmnga panga (16,50,855) lai kan phun tawh a ni. Hei hi sorkar hriatpui chin a ni.
Heti zah hi thingphun tawh mah ila, kumtina ram kan tihkan avangte, mi awmtha duhlo kuthlei leh kan ranvulhten an tihchhiat vang te leh, keini a phuntute ngei pawhin kan enkawl zui that loh avangtein kan thingphun tam zawk hi an thi thin a ni.
Green Mizoram Programme hi tun aia a lo hlawhtlin zawkna turin mitinin mawhphurhna kan nei a. Kan thingphun theuhte hi uluk lehzuala enkawl zui a tul a, Department mal enkawl zui tura dah ngawt lovin keimahni a phuntuten vil zui theuh chungin hmun awllai apiangah a phun belh hna kan thawh a ngai a ni.
India ram Danpui Article 51-ah chuan heti hian ziah a ni - 'tupawh India khua leh tui tawh phawt chuan khuanu kutchhuak ramngaw te, lui te, dil te leh nungcha humhalh hi a tih ngei tur a ni' tiin. Hetiang bawk hian Article 48-ah chuan 'State tinte hian kan chenna leh a chhehvel leilung, ramngaw, tui leh boruak siam that leh ramngaw leh nungchate venhim a tum ngei tur a ni' tih kan hmu bawk. Tin, Bible pawhin thil siam zawng zawng hnena chanchintha hril turin min ti a ni. Chuvangin, mimal leh sorkar ang hian tihtur pawimawh tak min phut a ni.
Sorkar chuan hmasawnna a thawh reng rengin environment thlir chungin policy leh programme a duang thin a. Eizawnna lamah pawh tlangram Lo neih kan la bansan mai theih loh hian environment-a tihchhiat chakzia hriain sorkar chuan New Land Use Policy tha zawkin kan kalpui chho mek a ni. Hei hi Environment siam that nan leh eizawnna ngelnghet kan neih theih nan TAIMAKNA, RINAWMNA leh TUMRUHNA nen he programme hi tihhlawhtlin i tum ang u.
Mizoramah hian ramngaw leh hnim hringin a khuh ram chu State zau zawng za-a sawmkua pakhat (91 %) lai anih rualin, ngaw chhah tha tak erawh chu za-a point paruk pali (.64 %) chauh a ni thung. Ramsa humhalhna hmun bik tih lovah chuan mihringte tlawhpawh phak loh, kham leh hmun pilril-ah chauh ramngaw tha tlemte kan nei tawh niin a lang.
Chutih laiin mihring kan pung zel a, kan nitin mamawhte pawh alo pung ve zel bawk si a, kan damkhawchhuahna tura chakkhai tinreng min petu, kan ramngaw leh a hausaknate chu nasa taka tihchereu an lo ni ta a. Heng zawng zawng din thar leh tur hian renchem leh daihzai taka kan ramngaw hausakna hman te, hmun awl apianga Nung ngei tura thingphun leh enkawl zui leh ven hnathawh hi kan zavaia kan tuchhuante laka kan bat tlat a ni.
Tin, kan ram tihmelhem a, Zofate hmai timawktu RAMKANG ven hna hi kan zavaia thawh a ngai ta. Kumin hian chhan hrang hrang vangin kan ramah ramkang leh kangmei dang a chhuak nasa em em a, hliam tuar leh nunna hial chan kan awmte kha a pawiin, a lungchhiatthlak takzet a ni. Lo/ram hal chungchangah DAN kan nei a, hei hi anihna anga kan kenkawh a ngai. Ramkang thelh hi mitinin kan mawhphurhna a ni tih hre thar leh ang u.
Tunlai khawvelin a buaipui em em Global Warming leh Climate Change te pawh Mizoramin a takin kan tawng ve mek a. Khua a lum tulh tulh a, ruahtui a mumal lo chho zel a, thalah kan tuihnar tam tak pawh lo kangchatin harsatna chi hrang hrang kan hmachhawn tan mek zel a ni.
Kumin Green Mizoram Day 2010 kan hman atang hian rilru thar puin, theihtawp chhuah theuh ila, thingphun hnuah uluk taka enkawl zui zel turin Zoram mipuite, a bik takin YMA, MUP, MHIP te, Kohhran hrang hrang leh khawtlang hruaitu Village Council te leh sikul naupang leh zirtirtu zawng zawng te ka sawm a che u.
Ka lawm e.
Attachment
- Loading attachment...
