Vawiin chawhnu khan Food, Civil Supplies & Consumer Affairs Department Minister Pu K Lalrinliana’n Indian Oil Cooporation Ltd, Mizoram chhunga LPG Distributor hruaitute leh Bank hrang hranga hotuten a pisaah a kawm.

FCS & CA Minister Pu K Lalrinliana chuan,”Sawrkar in mipuite tana tangkai turin thil tam tak a duanga, mipui chhawk zangkhai thei tura sawrkar hnuaia Subsidy hrang hrang awm te hi chak leh zau zawka in zirtir hi a pawimawh tak zet a ni,” a ti a,” LPG subsidy chungchanga harsatna kan tawh tam tak pawh hi inzirtirna kan kalpui chak tawk loh vang a ni” a ti bawk. Minister Pu K Lalrinliana chuan Gas semna hmun (LPG Distribution Point) siam belhna kawnga hmalak leh Distibution point a Gas cylinder sem chhuah zat tih pun a tul thu sawiin Cylinder, Gas pipe leh Stove te chu hunbi dik taka endik a nih theihnan hma la turin a chah bawk.   

Vawiin thutkhawm hi FCS & CA Commissioner & Secretary Pu HL Rochungnunga, IAS in a kaihruaia, Pu H Lalzirliana, MLA in telpuiin, Mizoram Indane Distributor Association, IOCL , Mizoram Cooperative Apex Bank, Mizoram Rural Bank, Regional Manager State Bank of India leh FCS & CA department hotute an tel bawk a ni. He thutkhawmnaah hian LPG Cylinder phurh man chungchang, Doorstep delivery leh Common Distribution point, Pradan Mantri Ujjwala Yojana (PMUY) leh PAHAL chungchangte sawi ho a ni.

 Pradan Mantri Ujjwala Yojana (PMUY) hnuaiah hian Mizoram chhungah Ni 1, January, 2019 thleng khan mi 25080 hnenah gas connection pek chhuah tawh niin Aizawl ah 5432, Champhai ah 3270, Kolasib ah 2910, Lawngtlai ah 2995, Lunglei ah 4893, Mamit ah 3853, Siaha ah 551 leh Serchhip ah 1176 te an ni. PMUY scheme hi hmeichhia te tan bik a duan niin September Ni 15, 2017 atang khan Mizoram-ah hman tan a ni a, LPG Distributor te hnenah Ration card leh Aadhar card te hmanga dil theih a ni.