Vawiin khan DC Conference Hall, Mamit-ah Pu Vanlalngaihsaka, Mamit District Bawrhsap hovin Mamit-a India Republic Day, 2019 hman dan tur chungchang relin thutkhawm a ni.

Meeting hian India Republic Day, 2019 chu GSA Playground Mamit-ah zing dar 9:00 -ah hman nise tiin a rel a. District Bawrhsap chu hnam puanzar pawtpharh tura beisei niin Republic Day pual Parade Mamit khawpui chhunga School hrang hrangte leh 4th IR Battalion atangin beisei an ni a. Zing ni chhuah rualin District huam chhunga Sorkar Pisa tinte chu Hnam puanzar zar tura ngen an ni bawk.

Republic Day lawmna Programme hman zawh hian khuallian hian District Hospital leh Mamit khawpui chhunga Home hrang hrangte a tlawh dawn bakah VIP At Home DC Complex-a neih tura ruahman a ni bawk.

Meeting-ah hian Sorkar Department hrang hrangte mawhphurhna chanvo inpek nghal a ni.