Gas buk tlinglo leh Gas tih chingpen chungchanga FCS&CA, Police Department, I & PR Department, DC/SP Aizawl, Kolasib, Central YMA, Local Council Association, Mizoram Consumers Union (MCU) etc. meeting dt. 28.6.2016 thutlukna angin Gas buk tlinglo leh Gas tih chingpen chungchangah FCS & CA chuan a hnuai ami ang hian order a tichhuak. He order hi Mizoram chhung Gas Distributors zawm vek tura hriattir an ni.  

Gas filled Cylinder (14.2 kgs.) buktling ngei consumer te hnenah distributor ten hralhchhuah tur a ni. Distributor ten IOC atanga filled cylinder an dawn rualin an buk vek anga, filled cylinder (14.2 kgs.) buktlinglo te chu return challan fellai taka siamin transporter te kaltlangin IOC-ah thawn kir Ieh nghal tur a ni, Tin, filled cylinder (14.2 kgs.) buktling te chauh an mahni area distribution point ah theuh bukna kengin consumer te hnenah an pe chhuak tur a ni.

Local Council ten an huam chhung distribution point-a gas sem hi an buaipui chhunzawm anga,, vengchhung Branch/Section YMA ten filled cylinder buk tling leh tlinglo an lo enpui/vil thin ang. Tin, filled cylinder te hi consumer te hmuh lai ngeia buk bawk tur a ni.  

Gas sem hun tur diktak mipui ten an hriat theih nan distributor ten an sem hun tur dik lak Local Council/Village Council Ieh Branch YMA te an hriattir thin tur a ni.

Distribution Point a gas sem dan kimchang hi distributor ten daily report FCS & CA Department ah thehlut tur a ni.

Heng thupek hi 4th July 2016 atanga thu leh awm hma chu hman tur a ni.