Vawiin tlai dar 3 khan  Pu Joseph Lalhimpuia Parliamentary Secretary, School Education chuan a office chamber-ah National Defence Academy (NDA) passed chhuak thar V. Lalremdika S/o V.Lalsangliana  Ramhlun North chu ngaihhlutna leh lawmpui nan cheng singkhat  a hlan.

Pu Joseph Lalhimpuia chuan Mizo tlangval NDA chhuak Mizoram-inkanneih belh leh ta chu lawmawm a tih thu a sawi a. Hetiang mi hlawhtlingkannei hi Mizote tan a chhuanawm thu leh zirlaite tan chona a nih thu a sawi bawk. A kal leh zelna turah duhsakna a hlan a, tun atanga kum  khat hnuah Mizoramin Army officer chhuanawm tak a neih belh leh dawn ta a ni a ti.     

School Education Director Pu K.Lalthawmmawia pawhin tun hma kum 5 chhung zet RIMC lut theikanneih loh hnuah School Education Department-in a buaipui atangin RIMC entrance-ah Mizo naupangte chu chhum lo chat lovin an tling chho ta tih a sawi bawk.  

V.Lalremdika hian tun hnaiah  National Defence Academy a passed chhuak a, Mizovin Army officer tlemtekanneih zinga mi a ni dawn a ni. NDA hi kum thum course a ni a, hemia lut tur hian Rashtriya Indian Military College (RIMC) entrance-ah a inziak tling a, class VIII atanga XII chu a zova, Class I atanga VII chu Kendriya Vidhyalaya School Aizawl atangin a zir a ni. Airforce cadet-a luh chu a chak ber leh tum ber a ni a, test chi hrang hrang paltlangin a tling vek tawh naa, a mit lamah tlema duhthusam lo lai deuh a awm avangin Army lam a thlang leh ta a ni. Tunah hian Indian Military Academy (IMA) ah kum khat a zirturina inbuatsaih leh mek a, a zawh hnuah Commission a ni tawh dawn a ni. NDA ah hian tunah Mizo zirlai dang pahnih an awm mek a, kum khat an la hmabak a ni.

He chawimawina hunah hian School Education Department-a Director Pu K.Lalthawmmawia, Department Officer dang te, RMSA Officer leh NSUI hruaitute  an tel a ni.      

Attachment

  • Loading attachment...