FCS&CA, Fisheries etc minister Pu K Lalrinliana chuan vawiin khan a bial chhunga khaw pathum pangbalkawn, meidum leh Bairabi a khawtlang leh mipui in an mamawh hrang hrang bakah an harsatna tawh hrang hrang te zirchiang in a kal a. Heng khaw pathum a Anganwadi centre, sub centre, primary health centre, hall sak mek, meidum khawtlang hman tur tui zem lian siam mek te en in, a kaihhnawih Department Official ten tawiawm in thawm that ngai lai bakah hnathawh kalphung te a enfiah a, pangbalkawna wadi centre 1 a hmanhmawh taka thawm that ngai lai thawmthat nan sum fai a pe bawk.

Minister chuan hnathawh reng reng chu a tha tur ani a, rotling tlaka siam/ thawh tur ani a, ruahmanna awmze nei siamin intodelh na rilru pu chunga hnathawh a pawimawh ani tiin Official leh khawtlang hruaitute a chah a. Development  chu Sawrkar in a ngai pawimawh a, ei leh bara intodelh hi hnam hmasawn zia niin, tu leh fa te tana chhawm nun tlak khawpa kan intodelh a ngai ani a ti a hemi kawngah hian mipuite pawh kan in zirtir thar a ngai ani a ti.
Pu K Lalrinliana chuan kolasib bial chu sangha thar chhuah theihna sang tak anei a, sangha khawitu ten awmze nei takin society din in kalpui se sangha khawi na kawngah hlawk zawkin an kalpui thei anga market pawh a that leh zual sawt tur thu a sawi bawk.

Hemi bakah hian Bairabi tui lian ina a tihchhiat anganwadi, Bairabi Police Station a quarter sak that ngai te, Bairabi kanan veng kawlphetha pek na tur P&E hmalakna a saubhagya scheme hnuaia LT line siam mek te en in , Tuilian ina a chim thin Bairabi khaw chhung venhimna tur wall structure siam nan Central Sawrkar ah hma an lak mek thu a sawi a, hemi bakah hian zophai Border Outpost (BOP) a Quarter luah that ngamloh te chu a endik a, siamthat dan tur te an sawiho ani. Minister chuan BOP a sipai duty ten Ram leh Hnam tana an inpekna chu mipui ten an ngaihlu a, duty te chuan hreawm ah la lovin Ram venhimna kawngah theihtawp chhuah chhunzawm zel turin a chah a, Sawrkar pawhin a ngai pawimawh em em a, BOP panna kawng chu siamtha tura hmalak mek a nih thu a sawi a BOP  thawm that nan Sawrkar in hma a lak zel tur thu tarlangin Duty te chawhmeh lei na tur sumfai a hlan bawk a ni.

Minister hian naktuk ah Sawrkar Official te nen Bairabi a Oil dah khawl na tur hmun ruahman chu a tlawh leh ang.