Nimin khan FCS&CA Deptt. buatsaih Two-clay training for Inspector and Sub-Inspector under FCS&CA chu ATI, Aizawl ah Commissioner & Secretary, FCS&CA, Pu HL Rochungnunga IAS in nimin chawhma dar 10:30 khan a hawng a. He hunah hian Mizoram chhung district hrang hranga Supply Department hnuaia Inspector leh Sub-Inspector mi 45  an tel thei a ni.

Training hawngtu, Supply Department Commissioner Pu HL Rochungnunga chuan Sawrkar hnathawk tana training neih a pawimawh zia leh hlawkzia te a sawi a. He training-a tel Supply Department Inspector leh Sub-Inspector te chu an hna theuhah rinawm leh taima taka thawk turin a fuih a ni.

Two-clay training for Inspector and Sub-Inspector under FCS&CA hawnna inkhawm tawi chu Dr. Lalhriatzuali Ralte, Director, FCS&CA chuan a kaihruai a.He training-ah hian Dan leh hrai chungchangte, Office kalphungte, sawrkar sum leh pai vawn dan chungchangte, buhfai enkawl dante, buhfai ti chingpen man an awm chung changa hmalak dan turte zirtir a ni.