Mizoram Journalists' Association (MJA) Lawngtlai District chuan kum 2015 atanga kum tin an lo hman thin, Green MJA Day chu vawiin khan an hmang.

Kumin Green MJA Day-ah hian Lawngtlai Addl DC Dr Andrew H. Vanlaldika, MCS chuan Lawngtlai Press Club bulah thing tiak a phun a. MJA motto "Mipui tana rawngbawl (Service to the People)" tihhlawhtlinna peng pakhat atana MJA Lawngtlai District te'n Green MJA Day an hmang thin chu lawmawm a tih thu sawiin, chanchinbu enkawl mai piah lamah, mi dangte zirtir nana a taka thil tha an tih chu chhunzawm zel tlak nia a hriat thu a sawi.

Vawiina Green MJA Day an hmannaah hian Lawngtlai District MJA chuan an President Pu ZD Dengngura hovin kum 2015 atanga an lo enkawl tawh Mampui kawnga thing an phunte hung thain, phun belh ngai an phun belh bakah, Lawngtlai Press Club bula an thing phun sate an hung tha bawk.