Vawiin khan Pu John Rotluangliana, Minister for FCS&CA hoin a office chamberah ni 21 - 23 May 2018 chhunga IOC hotute Borkhola a meeting a zuk neihpui tawh bawhzuiin FCS&CA official, Aizawla IOC thuneitute leh LPG Distributors ten LPG sem chungchang an sawiho.
Meetingah hian Minister chuan tun aia LPG tam zawk chawkluh anih theihna tura LPG distributor ten harsatna an neihte sutkian dan tur a sawipui a. Minister chuan LPG distributorte chu tun aia nasa zawka tan la thar a mipuiten hnianghnar zawka Gas an hmuh theih dan tur kawng hrang hrang a sawipui bawk a ni.
Ministerin IOC hotute Borkhola a meeting a neihpuina rah a taka lang nghalin, ni 22 - 25 May 2018 chhungin Borkhola atangin truck trip 50 leh Mualkhang atangin trip 17 alo thleng tawh a ni..
