Vawiin khan Mamit District Anti Tobacco Squad, District Level Task Force leh Legal Metrology te chuan Mamit khawpui chhung hmun hrang hrang Bazar, Zirna In, Office leh Dawr hrang hrangah Cigarettes and Other Tobacco Products Act (COTPA) 2003 bawhchhia vaiin Anti Tobacco Squad Drive neih a ni.
Vawiin Anti Tobacco Squad Drive hi Team hnihah in thenin, Section 4 of COTPA bawhchhia a, phallohna hmuna Meizu pakhat an man a. Section 6 (a) of COTPA-in a phut ang (Kum 18 hnuailam hnena Vaihlo zawrh khapna thu tarlanna) Signage tar lo Vaihlo zuartu mi 2 pawisa chawitir an ni bawk. Hei bakah hian Foreign Cigarette vaukhanna thu leh a lem Specified Health Warnings tar loh Packet 1595 man a ni bawk. 
Mamit District Anti Tobacco Squad-te hian khauh zawka Vaihlo khuahkhirhna dan hi khawpui chhungah kalpui zel an tum a ni.

Attachment

  • Loading attachment...