No.3205/2021-2022

Aizawl dated 30th November 2021: Vawiin khan Pu.K.Lalrinliana, Food, Civil Supplies and Consumer Affairs Department Minister chuan MLA-LADS kaltlanga Basketball leh Volleyball court sak hnathawh mek chu a hmunah a endik a, Bairabi Higher Secondary School Managing Board-te hmalakna a din, Higher Secondary School leh Presbyterian English School, Bairabi tlawhin thawktute nen zirna tihhmasawn zel dan tur an sawiho.

Bairabi Higher Secondary School a tlawhnaah hian Minister Pu K.Lalrinliana chuan zirna tihhmasawn duh vang a Bairabi HSS Managing Board-te hmalakna chu ropui a tih thu sawiin heng hmalaknate avang hian Bairabi zirlaiten hlawhtlinna hmel an hmuh mek thu a sawi. Bairabi Higher Secondary School din anih atanga result tha tak tak hmuh tur awm thin chu Managing Board member-te, Bairabi khawtlang mi inphalte leh zirtirtute inpekna thuk tak vang a nih thu sawiin heng inpekna avang hian zirlai tam tak ten mahni khawtual ngei a zirna sang zawk an zir thei hi hlawkthlak a tih thu a sawi. Minister hian zirlaite kawmna hun hmangin ram tan a chhawrtlak thiamna awmze nei thlang thiam turin a fuih bawk a ni.

Pi Zoliani Hnamte, District Education Officer pawhin thusawiin Zirna in chu zirlaiteah zirtirtute inpekna leh thahnemngaihna lanchhuah nghal thinna hmun a nih angin Bairabi HSS Managing Board leh thawktute enkawlna hnuai a result ?ha tak hmuh tur awm chu lawmawm a tih thu a sawi.

Govt. High School, Bairabi leh Higher Secondary School hnenah hian Football, Volleyball leh Volleyball Net a hlan a, Higher Secondary School inrelbawlna tur hian MLA-LADS a?angin Cheng Nuai 2 a lo ruahman sak tawh a ni. Supply Minister hian Presbyterian English School, Bairabi thawktute hnenah Cheng Singkhat a hlan a, school thawmthatna tur cement bag 100 a ruahman sak bawk. MLA-LADS hmang a Bairabi Multipurpose Mini-Sports Complex-a Basketball leh Volley court sakna kalpui mek chu a hmun ah a endik nghal bawk a ni.

FCS&CA Minister leh Kolasib bialtu MLA ni bawk Pu K.Lalrinliana chuan Bairabi khawtlang hruaitute nen Panchayat Bhavan, Bairabi North-ah thutkhawmna neiin Bairabi mi leh sa, inhmun la nei lote tan a inhmun ruahman sakna kalpui mek enhona hun an hmang a. Pu R.Lalfakawma, Chairman, Joint Village Council tarlan danin Bairabi North-ah chhungkaw 55-te tan inhmun ruahman fel tawh a ni a, chhungkaw 7 dangte inhmun tur ruahman leh mek a ni a. Bairabi South-ah chhungkaw 32-te tan inhmun ruahman tawh niin chhungkaw 50 bawr vel tan ruahmanna kalpui leh mek a ni bawk.