Vawiina Delhi khawpuia “Conference of Ministers and Secretaries of Consumer Affairs, Food and Public Distribution of States/ UTs” neihah FCS&CA Minister Pu John Rotluangliana chuan ei rawngbawl chungchanga Mizoram harsatna hrang hrangte a thlen.

Vawiin Conference-ah hian Arun Jaitley, Finance Minister chu khuallian niin, Union Food and Consumer Affairs Minister Ram Vilas Paswan-an a kaihruai a. Ram chhunga thil man to chak lutuk chungchanga hmalak dan tur te, dan lo a thil hralh (Black market) tih rem nan a hmalak dan turte leh Food Security kalpui zel dan turte sawiho a ni.

Minister Pu John Rotluangliana chuan Mizoramin FCI kaltlanga buhfai 5,845 metric ton a hmuh thin, mipuiin an khamloh avanga 8,000 metric ton pek belh thin chu kumin April thla atanga tihtawp a nih tak avanga harsatna a tawh thu te a thlen a. October thlaa Lumding-Badarpur rel kawng siamthat tur avanga Mizoram chakkhai chawkluh kawnga harsatna awm thei te a sawi bawk a. Mizorama Food Security kalpui a nih dan te sawiin, transportation, handling charge leh retail margin chungchangah Sorkar laipui tanpuina tello a Mizoram tan hmalak a harsat thute a thlen bawk.

Attachment

  • Loading attachment...