Lt.Col.Z. S.Zuala, Parliamentary Secretary Home, Agrculture etc. chuan Mamit district a a department chan te a tlawh chhunzawm zel.

Nimin khan 4th IR Battallion Out post(BOP) Saikhawthlir, Zamuang, Borai leh Bungthuam te tlawhin, a hmun ngeiah IR te dinhmun leh hmunhma te a en a, an ni hian an hna thawh dan leh an harsatna te Parliamentary Secretary hi an lo sawipui a. Parliamentary Secretary chuan IR te chu discipline tha tak vawng tur a chahin, pu te thu ngaichang thiam turin a chah a. Zu leh mipat hmeichhiatna hmansual kawngah pawh invawng tura fuihin an hriselna pawh vawng uluk turin a chah a, an mamawh thlen te a theih anga bawhzui a tum thu a hrilh a ni.

Parliamentary Secretary hian 4th IR BOP bakah Reang(Bru) laklet thawh ruknaa lo let te Mizorama an chenna hmun Damdiai, Saikhawthlir, Zamuang, Chuhvel leh Kanhmun te a tlawh bawk a, an chhungkaw dinhmun leh mamawh te a sawipui a ni. Parliamentary Secretary chuan Reang(Bru) te chu Mizorama thlamuang taka awm tur a chahin sawrkarin a theihna apiangah a chhawmdawl tur thu a hrilh a ni.

Zawlnuam MZP te'n Parliamentary Secretary hi lo hmu nghalin, High School a science zirtirtu an neih loh vanga road block buatsaih an tum chungchang te lo thlenin zirtirtu an neih thuai theih nana hmalak pui tur an ngenna chu Parliamentary Secretary chuan a theih anga hmalak pui a tum thu a lo hrilh a ni.