No.3783/2021-2022
Aizawl 24th January 2022: Vawiin chawhma khan Pu K.Lalrinliana, Minister of State for Food, Civil Supplies and Consumer Affairs Department, Kolasib Assembly constituency bialtu MLA ni bawk chuan Sub-Deputy Commissioner's Office, Bairabi building sak thar a hawng a. Dr.H.Lalthlangliana, Deputy Commissioner-in SDC Office building thar hawnna hun hi kaihruaiin Kolasib district-a sawrkar office hrang hranga hotute leh Bairabi NGO hruaitute an tel a ni.

Minister Pu K.Lalrinliana chuan Bairabi chu Mizoram luhka pawimawh tak, rel chawlhmun awmna leh thenawm State nen a ram inrina hmun pawimawh tak a nih avangin Sawrkarin a ngaih pawimawh thu a sawi a. Sub-Deputy Commissioner's Office thar sakna tur a hmalakna kalpui dan tarlangin zirchiannate kalpui zawh a nih hnuah Sub-Divisional Office (Civil) thuthmun a hlankai leh thuai a nih theih nan ruahmanna siam a tul thu a sawi. Supply Minister chuan State dang nen a inkalpawhna tihchangtlun leh zual nan Tlawng lui chu hman tangkai tum a nih thu te, tlawng lui luangin lei a lak avanga harsatna thleng zel tur ven nan 'Anti-Erosion Work' kalpui tan a nih tur thu te sawiin SDC Office building thar hawn tak pawh hian Bairabi khawtlang tan hmasawnna nasa zawk a thlen phah ngei a beisei thu a sawi bawk a ni.

Pu K.Lalrinliana chuan Multipurpose Mini-Sports Complex, Bairabi a hawnnaah hian mihring rilru leh taksa hriselna atan infiamna hmang a taksa sawizawi intihhmuh a tul thu sawiin eizawnna tlak a infiamna hmang thiam mi engemaw zat an awm tawh thu leh chung zinga tel ve thei tur chuan Mini-Sports Complex bak ah SAI Training Centre, Kolasibte chu tangkai tak a hmang turin a chah bawk a ni.

Pu R.Lalrinawma, Chairman, Joint Village Council, Bairabi chuan Sawrkar inrelbawlna tih chak nana SDC Office, Bairabi building thar hawn a ni chu Bairabi khawtlang aiawhin lawmthu a sawi a, Sawrkar aiawha Kolasib district chhung a thuneituten Bairabi khua tih hmasawnna tur leh ramria hmalakna kalpui a nih dan ah lawmthu a sawi bawk a ni. Pu Lallawmawma, Addl DC in lawmthu sawina hun hmangin Pu Lalmuanpuia Hnamte, TSA, PWD, Bairabi Sub-Division in Technical Report a pe bawk a ni.

Sub-Deputy Commissioner's Office, Bairabi hi Rs. 55,65,163 seng a sak niin September ni 21, 2019 khan sak ?an a ni a. Ground floor leh 1st floor awmin SDC Office chamber, Conference Hall, Rest room 2, Record room leh General room a awm bawk a ni.

Multi-Purpose Mini Sport Complex, Bairabi hi MLA-LADS leh khawtlang tangkawp a sak niin Basketball Court leh Volleyball court a awm a ni.