No.3782/2021-2022
Aizawl 24th January, 2022: Hmeichhe naupangte puala ni bik hman thin National Girl Child Day 2022 denchhenin vawiin chawhma dar 10 khan National Bank for Agriculture and Rural Development, NABARD Champhai chuan NABARD Mizoram Regional Office kaltlangin Govt. G.M High School, Champhai Vengsanga zirlai hmeichhiate tan Bank awmzia leh hman tangkai dante, Bank kaltlanga hamthatna awmte inzirtirna 'Financial Literacy Camp' an buatsaih.

He hunah hian Pi H.Lalhmachhuani, DDM, NABARD Champhai chuan Bank hmalakna hrang hrangte leh Bank kaltlanga education loan lak theih hrang hrangte a sawifiah a ni.

National Girl Child Day hian hmeichhe naupangte hnena an dikna leh chanvo hrilhhriat te, mipa leh hmeichhe inkara inthliarna awm thin nuaibo leh hmeichhia ten nitin khawsak kawnga harsatna an tawh thinte hmachhawn thei tura inzirtirna leh inhrilhhriatna neih te, hmeichhe naupiang tur tihtlak thin tihtawp te, mipa leh hmeichhe tam zawng sex ratio khairual taka a awm theih nana hmalak bakah an hriselna ngaihpawimawh leh mipa te nen ang khat renga en an nih theih nana hmalakte chu a tum bulpui ber a ni.