No.3781/2021-2022

Aizawl the 24th Jan 2022 : Tukin zing khan Aizawl East-II bialtu MLA leh Sports Minister ni bawk Pu Robert Romawia Royte chuan PWD thawk leh Saron Veng Local Council hotute te nen Bazar Bungkawn atanga Armed Veng panna kawngpui bumboh lutuk siam that hnathawh mek chu an en ho a. Siam that belh ngai lai te pawh an endik nghalin Aizawl East – II bial chhunga kawpui siamthat ngai dangte siamthat dan tur te pawh Pu Lalchhuana, Sr EE, PWD leh a nau te a sawipui nghal bawk a ni.

Tukin zing tho khan Chhinga Vengthar Welfare Committee te buatsaih, veng chhung thalai leh naupangte puala Table Tennis khelhna hmun ruahman mek chu a tlawh a. TT Board a pe bawk a ni. He hunah hian Pu Robert Romawia Royte chuan infiammite tan chauh ni lo, mitin tan taksa insawizawi nana sports hman tangkai chu a hlawkthlak a. Covid-19 hripui avang hian thalai leh naupangten infiama taksa sawizawi an mamawh zual a ni a ti.

Bialtu MLA chuan hmasawn nan inkalpawhna a pawimawh a, Saron Veng kaltlanga Chhinga Vengthar leh Tuithiang Veng inkalpawhna tur lei dawh mek chu kumin chhung ngeia dawh zawh hman a beisei thu a sawi a. Bethany Kawng siam nan pawh Tribal Affairs Ministry-in Social Welfare Department kaltlangin Cheng nuai 70 first phase atan pawm a ni tawh a ti a. Chhinga Vengthar tan Tuikhur siamna tur sum a ngaihtuahpui tur thu a sawi bawk a ni.