No.3784/2021-2022
Aizawl, the 24th January 2022 : Republic Day, 2022 chu India ram hmun dang ang bawkin ni 26th January, 2022 (Niliani) khian Mizoram hmun hrang hrangah hman tum a ni a. Aizawl-ah chuan a hnuai ami ang hian programme duan fel a ni.

Zing ni chhuah rualin Sorkar building leh mimal inah te Hnampuan zar a ni ang a. Sakhaw hrang hrang hnenah India ram leh mipuite tana tawngtai sak tura ngen a ni.

Zing dar 7:58 ah Aizawl Republic Day Programme hmanna tur pui ber A.R Ground-ah Khuallian tur Mizoram Larsap Dr. Hari Babu Kambhampati a thleng ang a, Hnam Puanzar a pawhparh hnuah Republic Day thuchah a sawi nghal ang a. Hripui len avangin kum danga tih thin National/State Awards leh lawmman dangte semna hun chu hman a ni dawn lo a ni.

A.R.Ground-a Republic Day lawmna hi DDK Aizawl, LPS leh Zonet Cable TV chuan 'live' in an pechhuak dawn a, AIR Aizawl pawhin ‘live’ commentary an ti dawn bawk a ni.