Pu R Lalvena IAS, Director, Directorate of Food, Civil Supplies & Consumers Affairs, Govt. of Mizoram chuan a hnuaia mi ang hian thuchhuah a siam:-
‘Govt, of India, Ministry of Petroleum & Natural Gas in Petrol/ Diesel man a tih danglam hun hi a tlangpuiin zanlai dar 12:00 a ni thin a. Petrol/Diesel man tihsan a nih hian Food, Civil Supplies & Consumer Affairs Department Order hmu lo pawhin Filling Station Dealer ten an zawm nghal thin a, a man tih hniam chungchang ah erawh hi chuan Department Order hi Filling Station ten an nghak kher thin. Ni 31-10-2013 zan lai dar 12:00 a Petrol/Diesel man tih hniam anih chungchangah Filling Station then khatin rate thar an zawm nghal mai lo tih report dawn a ni.
Department/Private in coupon a issue chungchang ah pawh Filling Station then khatin an hamthatna turin POL rate sanna angin POL rate an chhut tha thin ni a thudawn a ni a.
Petrol/Diesel man tih san dawnin Filling Station then khatin Department reserved bak stock nei reng chungin stock neih loh chhuanlam in Petrol/Diesel consumer te hnenah an pe chhuak duh lo fo tih thudawn a ni bawk a.
Heng a chung a tarlan (illegal practices) te hian Consumer Protection Law a kalh a, Marketing Discipline Guidelines Chapter 8.3 (vi) a kalh (violate) bawk a. Filling Station Dealer zawng zawng te a chunga tarlan dan kalh a thil tih hi ti tawh lo tura hriattir an ni a, dan bawhchhia an awm hriat anih chuan an chungah dan anga action lak nghal a ni ang.’
