Election Commission of India-in a duhdan angin Mizoram inthlan felfai leh tha taka neih a nih thieh nan State leh District level-ah Media Certification & Monitoring Committee (MCMC) din a ni a. State/District MCMC te chuan political party hrang hrang ten electronic leh print media-a an lem leh thu chhuah tur zawng zawng an thlithlai zel a ni.

Lunglei District MCMC chuan ngawrh takin media hrang hrang vilna hna thawk zelin, vawiinah pawh Lunglei MCMC memberte chu an office-ah thukhawmin political party ten Cable TV-a an chhuah tur lem/thla te an en hova, nitin chanchinbu chhuak te pawh uluk takin an chhiar zel a, inthlan boruak tichhe zawnga thuchhuak awm leh awm lo an endik ziah thin a ni. Lunglei District MCMC te chuan Cable TV-a chhuah tur video 8 an en tawh a, Video 2 chu Certification an pe tawh a ni. MCMC member-te chuan social media hrang hrang Facebook, Twitter leh Blogs te pawh chhui zelin, Election Commission-in a duhdan angin media hrang hrangah political party/mimal fakna emaw sawichhiatna emaw uchuak lutuk chhuak tur an veng zel a ni.