Vawiin khan Agriculture Conference Hall-ah Mizoram-a Fertilizer Dealers zawng zawngte tan “State Level Training on Mobile Fertilizer Monitoring System” neih a ni.
He programme hi Central Sorkar-in Fertilizer Dealers leh zuarchhawngtute hnenah direct-a Fertilizers Subsidy, Mobile Phone hmanga transfer theih dan ruahmanna a niin, Ministry of Agriculture, Department of Fertilizers hmalakna a ni.
Training Programme hi Pu C. Lalniliana, Joint Director (MMA) in kaihruaiin Dr. C. Lalzarliana, Director of Agriculture (Crop Husbandry) chu khuallian a ni a. Central Sorkar-in training pe tura a ruat, Pu V. Talukdar, System Officer leh Pu P. Sharma, Senior Sales Officer, Brahmaputra Valley Fertilizers Corporation Ltd. te chuan zirtirna an pe a, training-a tel Fertilizer Dealers-ten an hlawkpui hle.
