Vawiin khan DC Conference Hall, Mamit-ah Pu Vanlalngaihsaka, District Election Officer/ District Bawrhsap chuan Special Summary Revision of Electroral Rolls, 2019 Mamit District Final Publication chu a tlangzarh.

Pu Vanlalngaihsaka chuan Special Summary Revision hi nikum lamah MLA Election kan neih avangin Final Publication hi zawh hma theih a ni lova, January thla National Voters Day hma-a tarchhuah thin a ni chungin MLA Election avangin tunah peihfel a nih chauh thu a sawi. Tuna Final Roll tarchhuah takah hian Tripura Transit Camp-a Reang(Bru) Voters tharte thun telh an la ni lova, a hranpa a Election Commission berawn chunga thunbelh tur an nih tur thu a sawi. 

Pu Victor Lalawmpuia, Election Officer chuan kumin  Final Rolls tarchhuah takah hian Delete mi 727 lai mai an awmna chhan chu Election Commission of India duhdan angin Roll thenfai kuma hman a nih thu a sawi a. Roll a chuang thi tawh hming paih leh hmun khat aia tama hming awmte uluk taka enfela paih an nih vang a nih thu a sawi.

Draft Electoral Rolls hi 2018 December thla khan tarchhuah niin Final Electoral Rolls 2019 tarchhuah takah hian Mamit District chhunga Constituency pathum 1- Hachhek, 2-Dampa leh 3-Mamit chhunga vote nei zawng zawng hi mi 66,456 an ni a, Mipa 33743 niin hmeichhia 32713 an ni, Vote nei punna hi 1698 niin 1.48% a ni. Deletion hi mi 727 an awm bawk.

1-Hachhek (ST) ah hian Zamuang Polling Station-ah voters 1156 awmin an tam ber a, Sotapa Polling station-ah vote 122 awmin a tlemna ber a ni. 2-Dampa Constituency ah W. Phaileng-ah Voters 936 awmin a tamna ber a ni a. Zopui Polling Station-ah Vote 50 awmin a tlemna ber a ni bawk. 3-Mamit (ST) huamchhungah Damparengpui Polling Station-ah Voters 1135 awmin an tam ber a, Dilzawl Polling Station-ah 159 awmin an tlem ber thung a ni. 

District Election Officer hian Final Electoral Roll, 2019 tlangzarh tak hi Political Party hrang hrangte hnenah a copy a hlan nghal a ni.

Vawiin Final Electoral Roll, 2019 tlangzarh takah hian Dr Lalrozama, Mamit District Bawrhsap thar tur chuan a telpui bawk a ni.

He hunah hian Mamit District chhunga ERO/AERO, BLO, DIPRO Mamit bakah Political Party hrang hrang aiawh, President Joint VC, Tlawmngai pawl hrang hrang Sub Hqrs YMA, MUP, MHIP, MZP aiawhte an tel a ni.