3021/2024-2025

Aizawl, the 15th November 2024 : Nimin khan Finance Department chuan ATI Auditorium, MINECO ah Department hrang hranga DDO leh Budget buaipuitute te kokhawmin Budget siam dan kalphung inzirtirna 'One Day Training on Budget Circular 2025-25' an buatsaih a, Sawrkar kum 2024-25 Revised Estimate leh 2025-26 Budget Estimate kalpui dan tur te zir ho a ni.

Budget Training hi Finance Secretary Pu Lalthansanga chuan hawngin, Department tina DDO te leh Account lam khawihtute chu Sawrkar sum enkawltu pawimawh tak an nih thu sawiin, taima tak leh fimkhur taka sum leh pai enkawl hna thawk turin a fuih a. Audit para chhan fel thuai a tul thu te leh Sorkar sum enkawl kawnga tan lakna tur te a tarlang bawk a ni.

Pi Jennifer HL Duhawmi, Joint Secretary Finance(Budget) chuan nakum Sawrkar kum thar budget ruangam duanna a thil thar tih ngai te sawizauna hun a nei a. Pu Laldinpuia, Deputy Secretary Finance(Budget) chuan Budget Circular chungchang kalkhawmte hrilhhria in Proforma hrang hranga thehluh tur te a sawifiah a. Pu Rothuama, Deputy Director (Accounts), Engineer-in-Chief Office, PHE in Gender Budgeting chungchang zirtirna a nei bawk a ni.