Vawiin khan Finance Minister Pu Lalsawta chuan P.C Lalsangliana Gospel Album 'Phuloh Chawimawina' tlangzarhin, khuallian a ni bawk a ni. Gospel Album tlangzarh inkhawm hi Armed Veng South YMA Hall-ah hman a ni.

Khuallian Pu Lalsawta chuan thusawiin hun danglam tak leh Armed Veng South YMA Hall hman hmasak bernaa a tel chu lawmawm, a ti a.  Theihtawpa Pathian fak hi a pawimawh tak zet a ni, a ti a. 'Phuloh Chawimawina' album hian thlarau bo chhandamna kawngah Pathianin mal a sawm chuan, hna nasa takin a thawk ang, tiin a sawi a. He Gospel Album tlawm tak tlangzarh hi a ngaih pawimawh thu leh mi reithei, hausa hmangaihtu Pathian chu zahawm a tih thu a sawi bawk a ni.

PC Lalsangliana hi Pu PC Lawmsanga leh Pi Sangbuangi te fapa niin, Kum 1974-ah a piang a, Armed Veng South-a cheng a ni. Kum 2011-ah piantharna neiin, Kum 2015 khan a nupuiin a boralsan a, fanu 2 leh fapa pakhat a nei a ni. Phuloh Chawimawina Album-ah hian Pathian Fakna Hla 14 a awm a ni.