Vawiin chawhma khan Finance Minister Pu Lalsawta chuan R. Dengthuama Indoor Stadium ah 11Even Sports National Ranking Table Tennis Championship 2016(East Zone) a hawng.
National Level Table Tennis Ranking tournament hawngtu Pu Lalsawta, Finance Minister chuan Sports Infrastructure ah Mizoram in nasa taka hma a sawn mek thu a sawi a. Mizo infiammi te pawhin khelmual tha leh infiamna hmunhma thazawk te hmang tangkai in hlawhtlinna an chang chho meka, a lawm awm hle a ni a ti. TableTennis huangah Mizoramin India rampumpui huapa inelna a thlen theih nachhan chu sawrkar leh Mizoram Table Tennis Association te thawhrimna a nih thu a sawi . Tournament a tel Mizo infiammi te pawhin an tana hun remchang leh tanlakna huntha lo inher chhuak chu a pawimawhna an hriatchian a tul thu a sawi a. Thlengtu nihna chu phurna leh thathona atana hmangin theihtawp chhuah turin a fuih a ni.
11Even Sports National Ranking Table Tennis Championship 2016(East Zone) a tel tur hian State Pawnlam atanga Table Tennis player an rawn tel tha hle a. Pu PC Chaturvedi, President, Table Tennis Federation of India leh a thawhpuite pawhin he tournament hawnna hi an rawn hman puiin National Ranking Table Tennis Championship 2016(East Zone) hi November 19, 2016 khian a tiak ang.
