1375/2022-2023

Aizawl, the 27th July 2022: Vawiin khan Fire & Emergency Services te chuan an department din champha kum 50-na pualin Civil Hospital, Aizawl Blood Bank tan thisen an pe.

He Blood Donation Camp hi Fire & Emergency Services Headquarters, Hunthar Veng-ah neih a ni a. Pu C. Lalzahngoa, Director, F&ES chuan hawnna thuchah tawi sawiin an Department kum 50-na puala Blood Donation Camp an ruahman hlawhtlin nana F&ES thawktute inpekna-ah lawmthu a sawi a. Blood Bank hotuten hun remchang tha tak an ruahmansak avangin lawmthu a sawi bawk. Thisen petute hi Aizawl leh Aizawl pawn a mi te an ni a. He blood Donation Camp ah hian mi 30 in thisen an pe a ni.

Fire & Emergency Services ah hian tun dinhmunah thawktu (operational & Office staff) hi mi 183 an awm mek a, state pumah Fire Station hi 14 an nei mek a ni. Fire & Emergency Services hi kum 1972 a din niin kumin 2022 hi an kum 50-na a ni a, September 1, 2022 hian a lawmna programme nei turin an inbuatsaih mek a ni.