Vawiin khan Mamit District Fire Prevention Committee chu DC Conference Hall, Mamit ah an thukhawm. He meeting hi an Chairman Pi Lalbiaksangi, Deputy Commissioner, Mamit ni bawk chuan a kaihruai a, Pu Lalnunsanga Khawlhring, DFO Mamit & Member Secretary chuan report a pe a, Mamit District chu Mizoramah Kangmei veng tha ber lawmman pakhatna (Best District) an nih thu a sawi a (Rs.50000/- + Trophy + Citation).

Best District a thlan a nih chhan chu District hotute a bikin DC Mamit, SP Mamit leh NGO's te thawhhona a that vang a nih thu a sawiin, Member te leh khaw hrang hranga NGO hruaitute chungah lawmthu a sawi nghal a ni.

Mamit khawpui chhunga Officer hrang hrangt, DFO Kawrthah bakah VC leh NGO's hruaitute an tel kim hle a.