Tukin zingkar khan Lawngtlai District Level Fire Prevention Committee buatsaihin Lawngtlai khaw chhungah Fire Prevention Rally buatsaih a ni a, zirlai naupangten kangmei laka thing leh maute venghim turin mipuite an sawm.

Fire Prevention Week hmanna kalzelah District Level Fire Prevention Committee chuan zirlai naupangte nen ram kang laka inven him a pawimawh zia inzirtirna Rally buatsaih nise tia a rel angin he Rally hi buatsaih a ni a, Rally a kal naupangte chuan kangmei laka inven a pawimawh zia leh ramngawte humhalh a tulzia thuziaka kengin, lirthei chi hrang hrangah chutiang lam inzirtirna flag an tar bawk.

Lawngtlai District hian nikum khan Mizorama District zinga ram kang ven kawnga titha ber lawmman pakhatna a dawng a, he lawmman hi kuminah pawh humhima kawlzui ngei tumin tan a la a ni. Chu dinhmun thleng thei tur chuan khawtina VC te, tlawmngaipawlte leh mipuite thawhpuina a sawm a, nasa zawka inzirtirna pawh kalpui zel tum a ni bawk.

Tukina Rally naah hian Aeropagy atanga Chawngte Peng (Chandmary Square) thleng a huhovin an kal a, zirlai naupang 130 vel zet telin, Deputy Conservator Forest (WL) Pu Lalchhandama leh District Level Fire Prevention Committee member ten an kaihruai a ni.