Fire Prevention Week February 10-16, 2016 chhunga hman tura duan chu vawiin khan I&PR Conference Hall, Mamit-ah Pi Lalbiaksangi, Mamit Bawrhsap chuan a hawng.

Khuallian Pi Lalbiaksangi chuan mizo te lo neih danah lo vah te tihdan phung ni mahse meilam sial hmasa lova ram ti kan duai duai hi thil tul lo a ni tiin, hemi kawngah hian VC tin te mawhphurhna a san thu leh hmalakna tha an kalpui a ngaih thu a sawi a. Fimkhur loh vanga kangmei chhuak te hi a huathlala a, mei chhem tihlum lova kalsan te, motor atanga meizial bung ti thi lova paih mai te hian kangmei a siam thei a ni tih hria a, hetiang chinglo tur hian kalkhawm te a chah a. Thing leh mau kan tih chereu nasat avanga sik leh sa in hunbi mumal a neih tawh loh thu sawiin, a humhalh kawnga tan kan lak loh chuan tui tlan tur kan tlakchham mai hlauhawm thu a sawi a ni. India ramah Mizoram hi ram tikang nasa zingah kan tel thu sawiin, tan lak a ngaih hle thu a sawi bawk a, kalkhawmte midang hrilhre tu leh zirtirtu a tang turin a chah bawk a ni.

Hapta hawnna kaihruaitu Pu C.Lalbiaka, DFO Mamit chuan Kan lo hal atanga leh kan fimkhur tawk lohna a vanga kangmei kan chhuah thin vangin kum telin boruak in lum lam a pan mek zel a a ni a ti a, hei vang hian kangmei ven kawngah Mamit District Fire Prevention Committee chuan nasa taka hma la-in kumin 2016 hian Mamit District chhunga Lo hal tur te chuan ni 15 March 2016 hma a hal vek tur a nih thu leh Kangmei ven kawnga Khua/Veng titha te leh Media hmanga puangzar tha te tan lawmman siam a nih leh dawn thu te a tarlang a. Hei bakah hian Mamit District chhunga YMA Group leh Sub Hqrs Conference neihna khawtinah Fire Prevention awarness nei tura ruahmanna kalpui niin Nikum 2015-a hun tiam chhunga Lo hal hman lo khaw 11 te chu Warning pek an nih thu a sawi bawk.

Vawiin Week hawnna inkhawmah hian Jt V.C atang leh DLAO atangin an hmalakna report ngaihthlak a ni bawk