Kolasib District-ah Fire Prevention Week hmandan tur relin vawiin khan Pu H.Lalengmawia, District Bawrhsap hovin DC Conference Hall-ah meeting neih a ni.

State Level Committee on Fire Prevention-in a rel angin Fire Prevention week hi 6th – 11th February, 2017 a hman a ni dawn a. Kolasib-ah chuan 6th February, 2017 hian he hapta hawnna hi Diakkawn YMA Hall-ah Pu H.Lalengmawia, District Bawrhsap hova hman a ni ang.

He hapta pual hian kangmei chungchanga inzirtirna uar leh zual zawka neih nise ti a rel a ni a, district chhunga khaw hrang hrang tlawh kualin official te leh mi thahnemngai ten zirtirna pe se an ti a. Kangmei chungchangah ‘Thupek’ District Bawrhsapin chhuah leh se ti a relin, thupek hi khauh taka bawhzui ngei nise ti a rel a ni a. Lo hal hun tur bituk chhunga hal lo te leh ram tikang te chungah dan anga an chunga hmalak ngei a nih tur thu meeting-ah hian sawilan a ni a. Kangmei chhuah palha rang taka thelh mih a nih theih nan Fire & Emergency Services Department, Kolasib te chu Thal chhungin Brig.C Vankunga Shopping Mall, Diakkawn a in chhawpchhuak hnai tura ngen an ni bawk.

He hapta pual hian kangmei ven leh inzirtirna kawnga titha lawmmawn “Fire Prevention Award” siam a ni dawn a, District titha bakah khua titha lawmman pathumna thleng siam a ni a. Lawmman te hian thuziak bakah pawisa fai pakhatna in Rs.50,000/-, pahnihna in Rs.30,000/- leh pathumna in Rs.20,000/- a keng tel ang.