No.2398/2021-2022

Aizawl, the 30th September 2021: Fire Service Week, April 14-20, 2021 denchhena High school naupangte puala Essay Writing Competition buatsaih chu uluk taka endik a ni a. He intihsiakna lawmman chu hripui leng avanga hun rei tak sem theih a nih loh hnuah vawiin chawhnu khan lawman dawngtute awmna district-ah te sem a ni.

Service Week, April 14-20, 2021 puala thuziaka sikul naupangte intihsiaknah hian thupui atan "Kangmei chhuak thulha kangthelhna hmanrua nena lo inrinlawk hi kan himna a ni" hman a ni a. Mizoram chhung hmun hrang hrangah High school naupangten intihsiak nan an hmang a. He intihsiakna hi Fire & Emergency Services leh Directorate of School Education te tangkawp buatsaih a ni.

Thuziak thehluh tamtak zingah a hnuaia mi te hian lawmman an dawng a ni.

1st Prize, Rs. 3000/-
Lalrinpuii, Class - IX
Synod Higher Secondary School, Aizawl.

2nd Prize, Rs. 2000/-
C. Lalruatzuali, Class-IX
BC Lalthlamuana English Academy School, Champhai.

3rd Prize, Rs. 1000/-
Elizabeth Lalthanpuii
Class - IX
Downtown English School, Lawngtlai.

Lawmman semna programme hi Zirlai lawmman dawngtute chenna khua theuhah buatsaih a ni a. Aizawlah chuan Director, Fire & Emergency Services Office-ah hman a ni a. Pu C. Lalthanmawia, Director, F&ES chuan lawmman pakhatna a hlan. Champhai-ah chuan Recreation Hall, Champhai Fire Station-ah hman niin, Pu Lalrinpuia Varte, SP, Champhaiin lawmman pahnihna a hlan a. Lawngtlaiah chuan Lawngtlai Fire Station hmunah Programme buatsaih niin Pu Beikhazi, SDO Sadar, chuan lawmman hi a hlan thung a ni.