No.4404/2021-2022
Aizawl, the 25th February 2022 : Kangmei thelh hna an thawhna kawnga nunna chan te hriat reng nan kum tina India ram puma hman thin Fire Service Week chu ni 14 - 20 April 2022 chhung hian hman a ni leh dawn a, ni 14 April chu Fire Service Day ah hman a ni ang.

Kumin Week thupui tur chu - ‘I neihsa a lo pun lehzual theih nan kangmei lakah fimkhur zir ang che’ tih a ni. Hemi chungchang ngaihtuah hian Home Department Commissioner & Secretary Pu H.Lalengmawia, IAS hovin vawiin khan meeting neih a ni a, hemi pual hian kangmeiin chhiatna nasa tak a thlen theih avanga fimkhur a pawimawhzia mipui inzirtir thar nan hmalakna tur chi hrang hrang te ruahman a ni.

Fire & Emergency Services, Mizoram chhinchhiah danin kum 2019 - March 2022 inkar chhung khan Mizoram chhungah kangmei tum 607, chenna inah vawi 178 leh ram kang tum 429 a thleng a, nunna chan 8 an awm. Kangmei vanga bungrua/hmanrua/ran etc tih chhiat zawng zawng hlutna belhkhawm hi Rs 1,11,55,09,125/- zet a tling a ni.