478/2023-2024
Pi Ramdinliani, Lunglei District Magistrate, chuan 12th May,2023 khan silai licence neite tan a hnuai a mi ang hian hriattirna a chhuah.
The Arms (Amendment) Act, 2019 tlawhchhanin Government of India, Ministry of Home Affairs chuan ni 13.02.2020 khan mipuite hriattirna (Public Notice) chhuahin, silai licence neite chuan silai pahnih aia tam kawl thian a nih loh thu leh, silai pahnih aia tam nei/kawl te chu danin a phal chin bak silai an kawl anih chuan surrender turin a hriattir tawh a.
Arms Licence holder te harsatna hrang hrang ngaihtuahin Mizoram Sawrkar, Home Department chuan Notification No.L.11012/1/2020- HMA/Pt dated 07.04.2021 hmangin arms licence holder te zinga silai 2(pahnih) aia tam lei, kawl leh neite chu an chhungkaw member te hminga transfer a phalsak ta a ni.
Home Department Notification No.L.23011(LLI)/2022-HMA dated 26.04.2023-in a rawn sawi belh angin, Lunglei District huamchhunga silai pahnih aia tam nei/kawl te chu danin-a a phalsak chin (silai pahnih) bak an neih/kawl (surplus firearms) te chu 31.05.2023 hma ngeiin District Magistrate, Lunglei District hnenah an surrender emaw, form awm sa hmangin an chhungte(nupui/pasal, pianpui unau emaw an fate) leh rochung tura ruat theih (legal heir) hminga transfer tura dilna an thehlut tur a ni.
Hun tiam chhunga surrender/dilna thehlut lo te chu The Arms (Amendment) Act, 2019 angin an surplus firearms te chhuhsaka an license chawpa cancel a ni ang.
He lehkha hian No.D.32014/1/2022/DCL(Arms) dated 12.04.2023 hmanga Hriattirna lo chhuah tawh chu a luahlan ang.
