Vawiin khan Fisheries Department, DFDO Office, Aizawl chuan a man chanve in Sangha chi, Bawngkawn Cold Storage, Sairang Road-ah Aizawl huamchhung baka Sangha chi duh te hnenah a hralh chhuak a. Thingtlang lama phurh chhuah duh tan, sem chhuah hun leh hmun lo ngaihchan tur a ni. Sangha chi hralh chhuahnaah hian Fisheries Minister Pu K. Lalrinliana chuan a telpui a.

Minister K. Lalrinliana hian Sangha khawitu ten an chanpual dik taka an dawn theih nan Sangha chi tha pangai fingerling a tlinglo ho leh a ngaihdam theih loh ho chu hnawl mai ni se tiin vawiin atanga tan lak a pawimawh thu leh nakin zela Department te nena thawhhona tha a awm theih nan Sangha chi supply tlinglo te chu Sangha khawitu ten hnawl ngam turin a chah a. Minister hian Sangha khawi tute chu phai lama Sangha kan lak luh tawh loh nan mahni thar ngei kan ei ve theih nan tan la sauh sauh turin a fuih bawk a ni.